كل واحد فينا شايل

ف قلبه شنطة ذكريات

وكل واحد لسه فاضل

عنده حاجه من الحاجات

اللى سابت ف ابتسامته

جزء باين فيه السكات

كل واحد فينا جاتله

فتره فيها قلبه مات

......

واللى يعنى مالوهش ماضى

هتلاقيه من جوه فاضى

انطوائي وحد عادى

و جوة روحه مفيش حياه

ورغم ان الماضي يجرح

بس لينا ف حضنه مطرح

حتى لو مكان صغير

بس لينا فيه حكايات

........

كل واحد فينا شايل

ف قلبه شنطة ذكريات

عمرك سآلت ف مرة نفسك

انت ايه غير لما قولت

كنت ايه واصبحت ايه ولفين وصلت

يبقى كلمة (كنت) كلمه

مش كلمه يعنى والسلام

الماضى هو ده االلى عامل

فرق فيك من اللى فات

 

وكل واحد لسه فاضل

عنده حاجه من الحاجات.


أضف تعليق


كود امني
تحديث